AANTEKENINGE BY DIE FINANSIËLE JAARSTATE

Aandeelgebaseerde betalings ten opsigte van die Remgro Aandeleskema (die “skema”) wat in die finansiële state verantwoord is, bestaan uit gewone aandele in Remgro Beperk aan deelnemers aangebied ingevolge dié skema. Die aanbiedinge is geldig vir een jaar vanaf die datum van aanbod. Die skema is ’n uitgestelde aankoopskema en betaling geskied in drie gelyke jaarlikse paaiemente waarvan die eerste eers drie jaar na aanboddatum betaalbaar word. Deelnemers het geen regte tot lewering, stemming of gewone dividende op aandele voordat betaling geskied nie. Deelnemers kan kies om op ’n later datum te betaal met die gevolglike uitstel van regte. Betaling ten opsigte van aanbiedinge voor 26 November 2004 moet egter voor die verstryking van tien jaar geskied, terwyl aanbiedinge ná die datum voor die verstryking van sewe jaar moet geskied.

Die waardasie van die skema is gedoen met behulp van ’n aktuariële model. Hierdie model is deur ’n onafhanklike derde party ontwikkel uit die standaard binomiaal-opsiewaarderingsmodel ten einde die eiesoortige aard van die skema, veral met verwysing na vroeë uitoefening, aan te spreek.

Die verwagte kontrakleeftye is beraam deur die toevallingspunte binne elke aanbod in ag te neem. Die risikovrye koers gebruik, is beraam met verwysing na die inherente koers gebruik op ’n SA-nulkoers staatseffek en deur gebruik te maak van die opbrengskurwe oor die verwagte kontrakleeftye van vyf, ses en sewe jaar vanaf aanboddatum.

Die aandeelpryswisselvalligheid van die gewone aandele in Remgro Beperk is bepaal met verwysing na die bewegings in die aandeelprys sedert 1 Oktober 2000, dit is die aanvang van die aandele se verhandeling op die JSE.

Die dividendopbrengs is bereken deur gebruik te maak van ’n tweejaar bewegende gemiddelde dividendopbrengs op elke aanboddatum.

Alhoewel die groep ingevolge die oorgangsbepalings van IFRS gekies het om IFRS 2 slegs toe te pas op transaksies ná 7 November 2002 wat nog nie op 1 Januarie 2005 gevestig het nie, het die inligting wat hieronder aangebied word betrekking op alle aanbiedinge aan deelnemers van die skema.

Aantal en geweegde gemiddelde uitoefeningspryse van alle aanbiedinge van aandele aan deelnemers van die skema:

* Dit verwys na die toename in die waarde van skema-aandele van die aangeduide deelnemers sedert die datum van aanbod tot en met betaling   en lewering daarvan.

Geen aandele is in die finansiële jaar tot 31 Maart 2006 aan direkteure aangebied nie.

26.2 Rainbow Aandeleskema
Rainbow het ’n ekwiteitskikkende aandeleskema vir sekere werknemers ingevolge waarvan aandeelopsies aangebied uitoefenbaar is in drie gelyke paaiemente op twee, drie en vier jaar na die aanboddatum. Onderhewig aan die diskresie van die Rainbow Aandeleaansporingstrust se trustees, verval opsies wat nog nie by diensbeëindiging uitgeoefen is nie. ’n Koste van R8.0 miljoen (2006: R5.9 miljoen) met betrekking tot dié skema, is in die inkomstestaat erken.