Aantekeninge by die finansiële jaarstate

Elke gewone aandeel dra een stem.
Elke B-gewone aandeel dra tien stemme.

Aantal aandele deur ’n volfiliaal in tesourie gehou en aandele deur Die Remgro Aandeletrust gehou (gewone aandele van 1 sent elk): 11 972 555 (2007: 11 948 372).

Tydens die algemene vergadering van 22 Augustus 2007 is die onuitgereikte aandele, bestaande uit 63 691 443 gewone aandele van 1 sent elk en 5 000 000 B-gewone aandele van 10 sent elk soos op 31 Maart 2007, onder die beheer van die direksie geplaas as ’n algemene magtiging kragtens artikel 221(2) van die Maatskappywet, (Nr. 61 van 1973), soos gewysig (“Maatskappywet”), onderhewig aan die bepalings van die Maatskappywet en die Reëls en Vereistes van die JSE tot en met die volgende algemene jaarvergadering van die maatskappy vir toewysing en uitreiking aan sodanige persone as wat hulle goeddink, met dien verstande dat 26 000 000 gewone aandele en 5 000 000 B-gewone aandele in die gemagtigde aandelekapitaal van die maatskappy gereserveer word vir doeleindes van die Remgro Aandeleskema kragtens ’n gewone besluit wat op 21 September 2000 deur aandeelhouers geneem is.

Besonderhede met betrekking tot die aandeleskema en die huidige jaar se aanbiedinge word in aantekening 24 en die verslag van
die raad van direkteure verstrek.