Leierskap

A E RUPERT (37)

Aangestel: 29 November 2018

Direkteurskappe: Mnr Anton Rupert dien sedert 2017 as nie-uitvoerende direkteur op die Raad van Compagnie Financière Richemont SA en is ‘n lid van die Strategiese Sekuriteitskomitee. Hy was ‘n lid van die Nominasiekomitee tot April 2022 en was ‘n direkteur van Watchfinder.co.uk van Julie 2018 tot Desember 2019. Hy is ‘n vennoot van Compagnie Financière Rupert. Sedert Januarie 2021 is hy ‘n lid van die Adviesraad van Asia Partners Fund LP I, ‘n streeks-private-ekwiteitsfonds in Suidoos-Asië wat fokus op tegnologie-gebaseerde geleenthede in die groeifase. Hy is ’n lid van die raad van GESDA, die Geneva Science and Diplomacy Anticipator.

Hy het uitgebreide kennis van die grondfase van tegnologiese ontwikkelaars met wye blootstelling aan al die groep se besighede. Hy bring waardevolle insig in veranderende verbruikersgedrag in digitale bemarking en webgebaseerde handel.

P J NEETHLING (40)

Aangestel: 28 November 2019

Direkteurskappe: Mnr Neethling was ‘n beleggingsbestuurder in die korporatiewe finansieringsafdeling van Remgro Bestuursdienste Beperk, ‘n volfiliaal van Remgro en het uitgebreide besigheidservaring opgedoen deur ‘n aantal ander direkteurskappe. Hy het ‘n BComm (Hons) graad in Finansiële en Beleggingsbestuur aan die Universiteit Stellenbosch behaal. Mnr Neethling is ‘n alternatiewe lid vir mnr J P Rupert op die beleggingskomitee.

J MALHERBE (69)

Aangestel: 11 Oktober 2006

Direkteurskappe: Mnr Malherbe is ‘n direkteur van Compagnie Financière Richemont SA, Pension Insurance Corporation Group Beperk en Reinet Investments Manager SA. Hy het as geoktrooieerde rekenmeester gekwalifiseer en vir die voorgangerfirma van PricewaterhouseCoopers gewerk voordat hy in 1985 by Rand Aksepbank Beperk aangesluit het. In 1990 het mnr Malherbe by die Rembrandt Groep aangesluit. Hy is ‘n lid van die beleggingskomitee.

J P RUPERT (75) Voorsitter

Aangestel: 18 Augustus 2000

Direkteurskappe: Mnr Rupert is die voorsitter van Compagnie Financière Richemont SA en die voorsitter van Reinet Investments Manager SA, die bestuursmaatskappy van Reinet Investments S.C.A. Hy het ekonomie en maatskappyreg aan die Universiteit Stellenbosch studeer en het ’n uitgebreide loopbaan in internasionale sake, bankwese en finansies. Nadat hy vir Chase Manhattan Bank en Lazard Frères in New York gewerk het, het hy Rand Aksepbank Beperk in 1979 gestig. In 1985 het hy by die Rembrandt Groep aangesluit. Hy is die ontvanger van eredoktorsgrade in die regte, ekonomie en handel. Hy het gedien as kanselier van Universiteit Stellenbosch vanaf 2009 tot 2019 en is voorsitter van die Vredesparkestigting. Hy is die voorsitter van die beleggingskomitee en vergoedings-en-nominasiekomitee.

K S RANTLOANE (44)

Aangestel: 30 November 2020

Direkteurskappe: Mnr Rantloane is die stigter van Ata Capital en is tans ‘n direkteur van Rain Group Holdings Eiendoms Beperk, SLG Eiendoms Beperk, Masana Petroleum Solutions Eiendoms Beperk, Imbewu Capital Partners Eiendoms Beperk en ‘n trustee van die Click Stigting. Hy was voorheen die hoof van skuldkapitaalmarkte by Deutsche Bank AG, Johannesburg. Hy het sy loopbaan begin by Rand Aksepbank Beperk en het gedien as uitvoerende assistent vir die hoofuitvoerende beamptes van FirstRand Beperk en FirstRand Bank Beperk. Hy het ‘n BSc (Hons) graad aan die Universiteit van Kaapstad behaal en ‘n FRM-aanwysing van die Global Association of Risk Professionals. Hy is ’n lid van die oudit-en-risikokomitee, die beleggingskomitee en die maatskaplike-en-etiesekomitee.

G G NIEUWOUDT (49)

Aangestel: 28 November 2019

Direkteurskappe: Mnr Nieuwoudt is die stigter en die besturende vennoot van Southern Right Capital. Hy dien as ‘n direkteur van die Accumulus Fund, ‘n Cayman-gebaseerde vrygestelde maatskappy. Voorheen was hy direkteur van Alternative Investment Solutions by Edmond de Rothschild Capital Holdings, Londen en die besturende vennoot en portefeuljebestuurder by Silver Creek Capital. Hy is ‘n CFA Charterholder en het ‘n BComm graad in Wiskunde aan die Universiteit Stellenbosch. Hy is ‘n lid van die oudit-en-risikokomitee en die beleggingskomitee.

M MOROBE (68)

Aangestel: 18 Junie 2007

Direkteurskappe: Mnr Morobe was die nasionale direkteur van die “Programme to Improve Learning Outcomes (PILO)” tot 2020, ‘n pos wat hy in 2013 beklee het na ‘n sewe-jaar termyn as hoofuitvoerende beampte van die destydse JSE genoteerde Kagiso Media Beperk. Hy het ‘n loopbaan van 51 jaar in die velde studenteaktivisme, vakbondwese, werk in die nieregeringsektor, politiek, die openbare sektor, bewaring en die korporatiewe sektor. Mnr Morobe, wat altyd op soek is na nuwe uitdagings, is in 1994 aangestel as die eerste hoofuitvoerende beampte en voorsitter van die Finansiële en Fiskale Kommissie. Vanaf 2004 tot 2006, het hy as hoof van kommunikasie by die presidensie aangesluit. Hy het verskeie raadsfunksies beklee, beide in die nie-regerings- en privaatsektor, onder andere die Raad van Hoër Onderwys (1999 – 2000); voorsitter van die Suid-Afrikaanse Nasionale Parke Raad (1999 – 2005); voorsitter van Ernst & Young (SA) (2001 – 2005); voorsitter van Johannesburg Behuisingsonderneming (2003 – 2006). Tans, is mnr Morobe voorsitter van Wispeco Holdings Eiendoms Beperk, dien hy as ‘n nie-uitvoerende direkteur van RMB Holdings Beperk, TotalEnergies Marketing South Africa Eiendoms Beperk en is hy ’n trustee op die direksies van die DG Murray Trust en die Rothschild Stigting. Hy is die voorsitter van die maatskaplike-en-etiesekomitee.

P J MOLEKETI (68)

Aangestel: 4 November 2009

Direkteurskappe: Mnr Moleketi was die voormalige adjunkminister van finansies van die Republiek van Suid-Afrika en LUR vir finansiële en ekonomiese sake in die Gauteng-provinsie. Hy is ook direkteur van verskeie maatskappye wat op die JSE Beperk genoteer is. Hy is die nie-uitvoerende voorsitter van PPC Beperk. Hy beskik oor nagraadse kwalifikasies in ekonomie en bestuur van die Universiteit van Londen en die Harvard Besigheidskool en het wye internasionale ervaring, strategiese leierskapkwaliteite en in-diepte korporatiewe bestuurservaring in beide die openbare en privaatsektor. Hy is ’n lid van die vergoedings-en-nominasiekomitee en die maatskaplike-en-etiesekomitee.

N P MAGEZA (70)

Afgetree: 30 Junie 2025

Direkteurskappe: Mnr Mageza was voorheen die hoof bedryfsbeampte van die Absa Groep. Hy is ’n geoktrooieerde gesertifiseerde rekenmeester en ’n genoot van die Vereniging van Geoktrooieerde Gesertifiseerde Rekenmeesters (VGGR) VK, sowel as ’n direkteur van verskeie maatskappye, insluitende Absa Groep Beperk. Hy het wye ervaring opgedoen in talle uitvoerende poste in die oudit-, finansiëledienste- en die vervoer- en logistiekesektore. Hy was ’n lid van die maatskaplike-en-etiesekomitee.

F ROBERTSON (70)

Afgetree: 30 Junie 2025

Direkteurskappe: Mnr Robertson is uitvoerende voorsitter van Brimstone Investment Corporation Beperk en is ook voorsitter van Sea Harvest Group Beperk. Mnr Robertson dien as nie-uitvoerende direkteur op die direksie van Aon Re Africa Eiendoms Beperk en hy dien ook as trustee van die Laureus Sport for Good Foundation in Suid-Afrika, asook van die Distrik Ses Museum. Hy is die ontvanger van ’n eredoktorsgraad in filosofie van die Universiteit van Wes-Kaapland. Hy was ‘n lid van die vergoedings-en-nominasiekomitee en die beleggingskomitee.

S E N De Bruyn (53)

Ondervoorsitter en Hoof onafhanklike direkteur

Aangestel: 16 Maart 2015

Direkteurskappe: Me De Bruyn het 28 jaar ondervinding in korporatiewe finansiering in samesmeltings- en verkrygingstransaksies en private ekwiteit, beide in Suid-Afrika en internasionaal. Sy is medestigter van Identity Partners, ‘n beleggingsfirma wat deur vroue gelei word. Me De Bruyn was voorheen uitvoerende direkteur van Women’s Development Bank Investment Holdings en visepresident by Deutsche Bank, waar sy in hul kantore in Johannesburg, Londen en Tokio gewerk het. Sy het 23 jaar ondervinding as ‘n direkteur van maatskappye en dien tans as ‘n nie-uitvoerende direkteur op die direksie van RMB Holdings Beperk. Sy is voorsitter van TotalEnergies Southern Africa Eiendoms Beperk en 10X Asset Managers Beperk. Me De Bruyn het voorheen gedien op die rade van Rand Merchant Insurance Holdings Beperk, Discovery Group Beperk, FirstRand Bank Beperk, Anglo- American Platinum Beperk en Ethos Private Equity Beperk. Sy is ook ‘n lid van president Ramaphosa se beleggingsadviesraad en het voorheen gedien as ‘n lid van JP Morgan se EMEA-adviesraad.

Sy is voorsitter van die oudit-en-risikokomitee, ‘n lid van die maatskaplike-en-etiesekomitee en die vergoedings-en-nominasiekomitee.

C P F Vosloo (50)

Hoof beleggingsbeampte en alternatiewe uitvoerende direkteur vir J J Durand

BRek (Hons), MComm (Belasting), GR(SA), CFA(US)
Diensjare by die groep: 3

Direkteurskappe: Mnr Vosloo is in April 2024 aangestel as alternatiewe uitvoerende direkteur vir mnr J J Durand. Hy is terselfdertyd op Remgro se bestuursraad aangestel en het verantwoordelikheid vir Remgro se beleggingsaktiwiteite aanvaar. Hy dien as ‘n nie-uitvoerende direkteur op die direksies van RCL Foods Beperk, Mediclinic Group Beperk en Invenfin Eiendoms Beperk. Mnr Vosloo is ’n alternatiewe lid vir mnr J J Durand op die beleggingskomitee.

M LUBBE (55)

Hoof nakomings- en bedryfsbeampte

BA
Diensjare by die groep: 31

Direkteurskappe: Me Lubbe is in September 2016 as uitvoerende direkteur van Remgro aangestel en is verantwoordelik vir nakoming en korporatiewe maatskaplike beleggings van die maatskappy. Sy dien op die direksies van Remgro Beperk se volfiliale en is voorsitter van Historiese Huise van SA Beperk. Sy dien as ‘n nie-uitvoerende direkteur op die direksies van Business Partners Beperk, Capevin Holdings Eiendoms Beperk en Wispeco Holdings Eiendoms Beperk. Sy is ‘n lid van Mediclinic Group Beperk se ESG komitee en is ook ‘n lid van Remgro se maatskaplike-en-etiesekomitee.

N J WILLIAMS (60)

Hoof finansiële beampte

BComm (Hons), GR(SA)
Diensjare by die groep: 30

Direkteurskappe: Mnr Williams is in April 2016 as die hoof finansiële beampte van Remgro aangestel en het op die direksies van verskeie onderliggende beleggings van Remgro gedien. Hy dien tans op die direksies van Air Products South Africa Eiendoms Beperk, Business Partners Beperk, eMedia Investments Eiendoms Beperk en TotalEnergies Marketing South Africa Eiendoms Beperk. Hy het voorheen in die groep gedien as Remgro se hoof van korporatiewe finansies en ook as hoof finansiële beampte van VenFin Beperk. Hy is ‘n lid van die beleggingskomitee.

J J DURAND (58)

Hoofuitvoerende beampte

BRek (Hons), MPhil (Oxon), GR(SA)
Diensjare by die groep: 29

Direkteurskappe: Mnr Durand is in Mei 2012 as die hoofuitvoerende beampte van Remgro aangestel. Hy het op die direksies van verskeie onderliggende beleggings van Remgro gedien en dien tans op die direksies van Heineken Beverages Holdings Beperk, Namibia Breweries Beperk, Mediclinic Group Beperk en OUTsurance Group Beperk. Voorheen, het hy in die groep gedien as Remgro se beleggingshoof, sowel as finansiële direkteur en hoofuitvoerende beampte van VenFin Beperk. Hy is ‘n lid van die beleggingskomitee.