Gediversifiseerde beleggingsvoertuie

Remgro Limited / Groepbeleggings / Gediversifiseerde beleggingsvoertuie

 Bydrae tot wesensverdienste 30 Junie
2025
R miljoen		 30 Junie
2024
R miljoen
 KTH 344​ 241​
 Ander 18 (6)
362​ 235​

KTH

Kagiso Tiso Holdings Eiendoms Beperk

(KTH)

Effektiewe belang: 43.5%

Profiel: KTH is ’n toonaangewende beleggingshouermaatskappy in swart besit wat in verskeie sektore in die plaaslike en Afrika-markte belê. Dit beskik oor ’n sterk en gediversifiseerde bateportefeulje wat bestaan uit ’n mengsel van genoteerde en private beleggings in die media-, finansiële dienste, nywerheidsdienste- en gesondheidsorgsektor. KTH se hoofbeleggings sluit Kagiso Media Beperk (Kagiso Media), met belange in radiostasies onder meer East Coast Radio en Jacaranda FM en ander mediaverwante beleggings, en Momentum Group Beperk (Momentum) in.

Korporatiewe inligting

Ekwiteitswaardasie op 30 Junie 2025: R7 186 miljoen
Ongenoteer
Groep hoofuitvoerende beampte: P J Makosholo
Remgro genomineerde direkteure: S Crouse, P J Uys
Webwerf: www.kth.co.za

 

Volhoubaarheidsmaatstawwe

KMB-spandering: R37 miljoen
Opleidingspandering: R18 miljoen
Aantal werknemers: 1 371
 Finansiële hoogtepunte Jaar geëindig 30 Junie
2025
R miljoen		 2024
R miljoen		 %
verandering
 Omset 1 976 1 898 4.1
 Bedryfswins 1 252 750 66.9
 Wesensverdienste 789 553 42.7

KTH se bydrae tot Remgro se wesensverdienste het R344 miljoen (2024: R241 miljoen) bedra.

KTH se wesensverdienste vir die jaar het tot R789 miljoen vanaf R553 miljoen in die vergelykende jaar toegeneem.

Hierdie toename is hoofsaaklik vanweë:

  • Die verandering in die hantering van die verantwoording van die belegging in Momentum vanaf IAS 28: Verantwoording van Beleggings in Geassosieerdes na IFRS 9: Finansiële bate gehou teen billike waarde deur wins en verlies het wesensverdienste soos volg beïnvloed:
    • KTH het positiewe billike waarde aanpassings netto van uitgestelde belasting (insluitend aanvanklike erkenning van uitgestelde belasting) van R509 miljoen erken danksy die verbetering van die aandeelprys met 49.7% van R22.90 tot R34.29 sedert Junie 2024.
    • Geëkwiteerde inkomste van Momentum het in die vergelykende tydperk R245 miljoen bedra, en positiewe billike waarde aanpassings op die Momentumvoorkeuraandele was R125 miljoen tot omskakeling teen die einde van Junie 2024 plaasgevind het.
    • KTH het dividendinkomste van R128 miljoen van Momentum erken, terwyl dividendinkomste van R111 miljoen in die vergelykende tydperk as deel van die geëkwiteerde belegging ingesluit is.
    • Netto finansieringsinkomste het tot R71 miljoen (2024: R57 miljoen) toegeneem danksy ’n vermindering in die groep se skuld en positiewe opbrengste op kontantbalanse.
  • Die toename in wesensverdienste is deels teengewerk deur:
    • ’n Laer bydrae van R46 miljoen deur die Kagiso Media groep vergeleke met die vergelykende jaar weens bedrywighede wat negatief beïnvloed is deur ongunstige handelstoestande wat laer bedryfswinste tot gevolg gehad het; en ’n laer bydrae van R12 miljoen deur Lupo Bakery Eiendoms Beperk vergeleke met die vergelykende jaar.
    • Geëkwiteerde verlies van R85 miljoen (2024: verlies van R61 miljoen) wat op Servest Group Eiendoms Beperk erken is.

KTH het gedurende die jaar ’n dividend van R139 miljoen (2024: R114 miljoen) betaal.

Prescient

Prescient China Equity Fund

(Prescient)

Profiel: Prescient, wat ‘n sistematiese, kwantitatiewe benadering volg om langtermynkapitaalgroei na te streef, belê in genoteerde aandele in die Chinese mark en gebruik die Shanghai Shenzhen CSI 300 indeks as maatstaf.

Webwerf: www.prescient.ie

Invenfin

Invenfin Eiendoms Beperk

(Invenfin)

Effektiewe belang: 100.0%

Profiel: Invenfin fokus op kleiner vroeëfase-beleggings.

Webwerf: www.invenfin.com

Asia Partners

Asia Partners I LP en Asia Partners II LP

(Asia Partners)

Effektiewe belang: 6.5% (Fund I), 10.0% (Fund II)

Profiel: Asia Partners maak private ekwiteits- en ekwiteitsverwante beleggings in tegnologie, of tegnologie-bemagtigde maatskappye hoofsaaklik gefokus in die Suidoos-Asiëstreek.

Webwerf: www.asiapartners.com

PRIF

Pembani Remgro Infrastruktuurfondse

(PRIF)

Effektiewe belang: 16.2% (Fund I), 24.6% (Fund II)

Profiel: PRIF is ’n fonds wat fokus op privaatsektor belegging in infrastruktuur oor die Afrika kontinent.

Webwerf: www.pembani-remgro.com