+27 21 888 3000
| Bydrae tot wesensverdienste | 30 Junie 2024 R miljoen |
30 Junie 2023 R miljoen |
|---|---|---|
| Air Products | 566 | 476 |
| TotalEnergies | 553 | 54 |
| Wispeco | 289 | 313 |
| PGSI | 17 | 25 |
| 1 425 | 868 | |
Air Products South Africa Eiendoms Beperk
(Air Products)
Effektiewe belang 50.0%
Profiel: Air Products produseer suurstof, stikstof, argon, waterstof en koolstofdioksied vir verkoop in gasvorm deur middel van pyplyne ingevolge langtermynkontrakte aan groot industriële gebruikers. Air Products versprei ook industriële gasse, saam met die toepaslike toerusting, aan die handelsmark. Die ander 50% van die gewone aandele word deur Air Products and Chemicals Incorporated, ’n VSA-maatskappy, gehou.
Korporatiewe inligting
Volhoubaarheidsmaatstawwe
| Finansiële hoogtepunte | Jaar geëindig 30 September 2023 |
|
|---|---|---|
| R miljoen | % | |
| Omset | 4 969 | 16.8 |
| Bedryfswins | 1 386 | 9.5 |
| Wesensverdienste | 1 012 | 9.4 |
Air Products het ’n September-jaareinde, maar sy resultate vir die 12 maande geëindig 31 Maart 2024 is ingesluit by dié van Remgro vir die jaar onder oorsig. Air Products se bydrae tot Remgro se wesensverdienste het met 18.9% tot R566 miljoen (2023: R476 miljoen) toegeneem.
Air Products se omset vir die 12 maande geëindig 31 Maart 2024 het met 17.5% tot R5 360 miljoen (2023: R4 563 miljoen) toegeneem, terwyl die maatskappy se bedryfswins vir dieselfde tydperk met 19.3% tot R1 545 miljoen (2023: R1 295 miljoen) toegeneem het.
Air Products is die grootste vervaardiger van nywerheidsgasse in Suider-Afrika. Hierbenewens versprei en voer die maatskappy ook ’n uiteenlopende reeks spesialiteitsgasse in om in die behoeftes van verskeie nywerhede soos staal, chemies, olie-raffinering, hulpbronminerale, glas, pulp en papier, voedselverpakking, asook algemene vervaardiging, fabrikasie en sweiswerke te voorsien.
Die maatskappy het ’n prysenswaardige vertoning gedurende die tydperk gelewer. Vraag van groot tonnemaat gasverbruikers, in die staal-, mynwese en chemiese sektore was wisselvallig en oor die algemeen bestendig. Verhoogde kostedoeltreffendhede het tot die beskeie groei in bedryfswins binne die afdeling bygedra. Die verpakte gasbesigheid het voortgegaan om goed te presteer met robuuste volumes in die kleiner sektore, naamlik vervaardiging en fabrikasie en voedsel en drank. Volumegroei, ’n geringe afname in inflasionêre kostedruk en ’n klein verkryging het gesamentlik tot algehele bevredigende uitkomste vir hierdie segment van die besigheid gelei.
TotalEnergies Marketing South Africa Eiendoms Beperk (TotalEnergies)
Effektiewe belang 24.9%
Profiel: Filiaal van TotalEnergies SE (Frankryk). TotalEnergies se besigheid behels die raffinering en bemarking van petroleum en petroleumprodukte in Suid-Afrika, asook die verspreiding daarvan aan buurlande. Die maatskappy het ’n ekwiteitsbelang van 36.36% in National Petroleum Refiners of South Africa Eiendoms Beperk (Natref).
Korporatiewe inligtingn
Volhoubaarheidsmaatstawwe
| Finansiële hoogtepunte | Jaar geëindig 31 Desember 2023 |
|
|---|---|---|
| R miljoen | % | |
| Omset | 102 889 | 9.0 |
| Bedryfswins | 3 303 | 10.5 |
| Wesensverdienste | 2 242 | (11.6) |
TotalEnergies het ’n Desember-jaareinde en sy resultate vir die 12 maande tot 30 Junie 2024 is ingesluit by dié van Remgro vir die jaar onder oorsig. TotalEnergies se bydrae tot Remgro se wesensverdienste vir die jaar onder oorsig het R553 miljoen (2023: R54 miljoen) bedra.
TotalEnergies se omset vir die 12 maande geëindig 30 Junie 2024 het met 0.7% marginaal toegeneem tot R101 414 miljoen, op vanaf R100 704 miljoen in 2023. TotalEnergies se resultate sluit negatiewe voorraadherwaardasies in wat R58 miljoen (2023: negatiewe voorraadherwaardasies van R1 408 miljoen) bedra. Die voorraadherwaardasies in beide tydperke was die gevolg van die wisselvalligheid in die Brentruolieprys. Met hierdie voorraadherwaardasies uitgesluit, sou die wesensverdienste met 84.0% toegeneem het vanaf R1 230 miljoen tot R2 263 miljoen, hoofsaaklik vanweë Natref se verbeterde raffineringsresultate, asook hoër insetkoste in die vergelykende jaar, wat erg beïnvloed is deur verskaffingskettinguitdagings met die invoer van brandstofprodukte. TotalEnergies het ook ’n ooreenkoms aangegaan om sy 36.36%-minderheidsbelang in Natref te verkoop.
Die maatskappy bly verbind daartoe om in gesondheid, veiligheid en omgewingsinisiatiewe te belê om aan toenemende strenger maatreëls te voldoen en in veranderende interne behoeftes te voorsien. Ons hooffokusgebiede is om omgewingsnakoming te verseker en hoë standaarde te handhaaf wat gesondheid en veiligheid vir personeel, vervoerders en konstruksiekontrakteurs betref.
Wispeco Holdings Eiendoms Beperk
(Wispeco)
Effektiewe belang 100.0%
Profiel: Wispeco se hoofbesigheid is die vervaardiging en verspreiding van uitgeperste aluminiumprofiele vir gebruik in die bou-, ingenieurs- en duursame goederesektor.
Korporatiewe inligting
Volhoubaarheidsmaatstawwe
| Finansiële hoogtepunte | Jaar geëindig 30 Junie 2024 |
|
|---|---|---|
| R miljoen | % | |
| Omset | 3 759 | (1.4) |
| Bedryfswins | 382 | (12.4) |
| Wesensverdienste | 289 | (7.7) |
Wispeco se omset van R3 759 miljoen vir die jaar geëindig 30 Junie 2024 is in lyn met dié van die vorige jaar (2023: R3 813 miljoen). Die vertoning van die aluminiumuitpersbesigheid was bestendig met uitpersverkoopvolumes wat marginaal hoër as in die vorige jaar was. In sy drukvormgietbesigheid was uitvoervolumes van bronsbrandsproeierrame vir die grootste deel van die jaar laer, hoewel dit in die laaste kwartaal aanduidings van herstel getoon het. Wesensverdienste vir die Wispeco-groep het tot R289 miljoen (2023: R313 miljoen) afgeneem weens volgehoue afwaartse druk op handelsmarges vanweë algemene mededingende marktoestande. Winsgewendheid was verder deur hoë kostes weens inflasiedruk beïnvloed.
Wispeco is die voorste aluminium-uitpersverskaffer in SuiderAfrika. Wispeco bly gefokus op afleweringspoed met voldoende vervaardigingskapasiteit om korter wagtye en wêreldklas kliëntediens te handhaaf. Dit is ook ’n grootskaalse vervaardiger van bronsbrandsproeierrame wat na die VSA uitgevoer word. Nuwe geleenthede word tans ontsluit wat opwindende vooruitsigte vir langtermyngroei inhou.
Wispeco is ’n toonaangewer in die ontwikkeling van argitektoniese aluminiumprodukte wat ondersteun word deur unieke ontwerpsagteware wat aan sy kliënte beskikbaar is. Die besigheid se Crealco-produkte word gerugsteun deur omvangryke tegniese ondersteuning en verskaf deur ’n wye netwerk van eie en onafhanklike verspreiders regoor Suider-Afrika.
Wispeco se eksterne gefokusde opleiding teiken gestremde en voorheen benadeelde jongmense, met die oog op indiensneming in die aluminiumbedryf. Interne opleidingsprogramme is gemik op produktiwiteitsverbetering en die ontwikkeling van vaardighede om toekomstige groei te ondersteun.
PGSI Beperk
(PGSI)
Effektiewe belang 37.7%
Profiel: PGSI het ’n belang van 80% in PG Group Holdings. Die PG-groep is Suid-Afrika se bedryfsleier op die gebied van geïntegreerde plaatglas vir die vervaardiging, verspreiding en installering van hoëgehalte motor- en bouglasprodukte.
Webwerf: www.pggroup.co.za
