Kennisgewing aan aandeelhouers

Die 2009 algemene jaarvergadering van Remgro Beperk (“die maatskappy”) sal op Maandag, 17 Augustus 2009, om 10:00 in
die konferensiesentrum, Erinvale Estate Hotel & Spa, Lourensfordweg, Somerset-Wes, 7130, gehou word om, indien goedgevind, die volgende gewone en spesiale besluite met of sonder wysiging aan te neem:

GOEDKEURING VAN DIE FINANSIËLE JAARSTATE

Gewone Besluit Nommer 1

Besluit dat die geouditeerde finansiële jaarstate van die maatskappy en die groep vir die jaar geëindig 31 Maart 2009 aanvaar en goedgekeur word.

HERAANSTELLING VAN OUDITEUR

Gewone Besluit Nommer 2

Besluit dat die heraanstelling van PricewaterhouseCoopers Ing. as die maatskappy se ouditeur, soos deur die maatskappy se oudit-en-risikokomitee benoem, goedgekeur word en om kennis te neem dat mnr N H Döman die individuele geregistreerde ouditeur is wat die oudit gedurende die finansiële jaar eindigende 31 Maart 2010 sal onderneem.

GOEDKEURING VAN DIREKTEURE SE VERGOEDING

Gewone Besluit Nommer 3

Besluit dat direkteursvergoeding vir dienste gelewer as direkteure vir die finansiële jaar eindigende 31 Maart 2010, as volg
vasgestel word:

	Bestaande fooi	Voorgestelde fooi vir die
	vir die jaar geëindig	jaar eindigende
	31 Maart 2009	31 Maart 2010
Tipe fooi	R	R
Raadslid	160 000	172 000
Voorsitter van die oudit-en-risikokomitee	108 000	116 000
Lid van die oudit-en-risikokomitee	54 000	58 000
Lid van die vergoedings-en-nominasiekomitee	27 000	29 000

VERKIESING VAN DIREKTEUR

Gewone Besluit Nommer 4

Besluit dat mnr J P Rupert wat kragtens artikel 31.1.1 van die statute van die maatskappy as direkteur aftree en homself
herkiesbaar gestel het, as direkteur van die maatskappy heraangestel word.

VERKIESING VAN DIREKTEUR

Gewone Besluit Nommer 5

Besluit dat mnr P E Beyers wat kragtens artikel 31.1.1 van die statute van die maatskappy as direkteur aftree en homself
herkiesbaar gestel het, as direkteur van die maatskappy heraangestel word.

VERKIESING VAN DIREKTEUR

Gewone Besluit Nommer 6

Besluit dat mnr W E Bührmann wat kragtens artikel 31.1.1 van die statute van die maatskappy as direkteur aftree en homself herkiesbaar gestel het, as direkteur van die maatskappy heraangestel word.

VERKIESING VAN DIREKTEUR

Gewone Besluit Nommer 7

Besluit dat mnr P K Harris wat kragtens artikel 31.1.1 van die statute van die maatskappy as direkteur aftree en homself herkiesbaar gestel het, as direkteur van die maatskappy heraangestel word.

VERKIESING VAN DIREKTEUR

Gewone Besluit Nommer 8

Besluit dat mnr M M Morobe wat kragtens artikel 31.1.1 van die statute van die maatskappy as direkteur aftree en homself herkiesbaar gestel het, as direkteur van die maatskappy heraangestel word.

VERKIESING VAN DIREKTEUR

Gewone Besluit Nommer 9

Besluit dat mnr H Wessels wat kragtens artikel 31.4.1.1 van die statute van die maatskappy as direkteur aftree en homself herkiesbaar gestel het, as direkteur van die maatskappy heraangestel word.

Biografiese inligting van al die direkteure van die maatskappy verskyn op bladsy 12 en 13 van die jaarverslag.

10.

WYSIGINGS AAN REMGRO AANDELEGROEIREG-SKEMA

Gewone Besluit Nommer 10

Besluit dat die volgende wysigings aan die Remgro Ekwiteitsvereffende Aandelegroeireg-skema 2008 (“SAR-skema”) dokument wat op 7 Oktober 2008 aangeneem is hiermee goedgekeur word ingevolge die bepalings van die onlangs gewysigde Skedule 14 van die noteringsvereistes van die JSE Beperk (“die noteringsvereistes”) (“Skedule 14”):

Invoeging van die volgende nuwe klousule 4.3 na die bestaande klousule 4.2:
“4.3. Toekennings sal aan Werknemers gemaak word op die basis van ’n veelvoud van hulle vergoeding, soos bepaal deur die Direksie, met inagneming van die aard en vlak van hulle pos, en hulle jare van diens by die Deelnemende Maatskappye.”
Skrapping van die bewoording van klousule 5.1 en vervanging daarvan deur die volgende bewoording:
“5.1. Algemene Beperking
Die Komitee mag nie enige Toekennings maak nie indien, ten tyde van of as gevolg van die maak van sodanige Toekennings, die totale aantal Aandele ten opsigte waarvan enige onuitgeoefende Aandelegroeiregte uitgeoefen mag word (ongeag daarvan of die Deelnemers geregtig geraak het om die Aandelegroeiregte uit te oefen of nie), tesame met die totale aantal ander Aandele wat gereserveer is vir lewering aan Werknemers onder enige ander bestuursaandeleskema wat deur die Deelnemende Maatskappye bedryf word, 21 000 000 (een en twintig miljoen) Aandele in totaal sal oorskry (“die Maksimum Drempel”), onderworpe aan die bepalings uiteengesit in klousule 10.1.”
Skrapping van die bewoording van klousule 5.2 en vervanging daarvan deur die volgende bewoording:
“5.2. Individuele beperkings
Die Komitee mag nie enige Toekenning aan ’n enkele Deelnemer maak nie indien, ten tyde van of as gevolg van sodanige Toekenning, die totale aantal Aandele ten opsigte waarvan enige onuitgeoefende Aandelegroeiregte uitgeoefen mag word deur daardie Deelnemer (ongeag daarvan of die Deelnemers geregtig geraak het om die Aandelegroeiregte uit te oefen of nie), tesame met enige ander Aandele wat gereserveer is aan daardie Deelnemer onder enige ander bestuursaandeleskema wat deur die Deelnemende Maatskappye bedryf word, 2 197 399 (twee miljoen een honderd sewe en negentig duisend drie honderd nege en negentig) Aandele (“die Individuele Drempel”), sal oorskry, onderworpe aan die bepalings uiteengesit in klousule 10.2.”

Ingevolge die noteringsvereistes moet 75% (vyf en sewentig persent) van die stemme deur aandeelhouers teenwoordig of verteenwoordig by volmag by die algemene jaarvergadering uitgeoefen, uitsluitende al die stemme verbonde aan alle aandele besit of beheer deur persone wat bestaande deelnemers in die SAR-skema is wat ingevolge die SAR-skema verkry is, ten gunste van hierdie Gewone Besluit Nommer 10 uitgebring word, vir die besluit om goedgekeur te wees.

Hierdie Gewone Besluit Nommer 10 is nodig om die maatskappy in staat te stel om wysigings aan Skedule 14 met betrekking tot aandele opsie/aansporingskemas en die uitleg daarvan, te konsolideer, en om effektiewelik die maksimum beperking op aandele ten opsigte waarvan enige onuitgeoefende Aandelegroeiregte wat aan ’n individuele deelnemer toegeken word, uitgeoefen mag word, van 0.25% van die maatskappy se uitgereikte gewone aandelekapitaal tot 0.5% van die maatskappy se uitgereikte gewone aandelekapitaal te verhoog.
In nakoming van die gewysigde Skedule 14, sal die SAR-skemadokument verder gewysig word om voorsiening te maak vir –

aanpassings aan die maksimum aantal aandele ingevolge die SAR-skema beskikbaar in die geval van die onderverdeling of konsolidasie van aandele, ten einde te verseker dat daardie maksimum aantal steeds dieselfde persentasie van die aandele in die maatskappy verteenwoordig na daardie korporatiewe aksie;
aanpassings aan die maksimum aantal aandele ten opsigte waarvan ’n individu Aandelegroeiregte mag uitoefen in die geval van ’n kapitalisasie-uitgifte, spesiale dividend, regte-uitgifte of kapitaalvermindering, ten einde te verseker dat daardie maksimum aantal steeds dieselfde persentasie van die aandele in die maatskappy verteenwoordig na daardie korporatiewe aksie;
die aanpassing aan die aantal en/of toekenningsprys van Aandelegroeiregte in die geval van ’n onderverdeling of konsolidasie van aandele, kapitalisasie-uitgifte, spesiale dividend, regte-uitgifte of kapitaalvermindering om te verseker dat deelnemers in wesentlik dieselfde posisie geplaas word as waarin hulle voor die plaasvind van sodanige korporatiewe aksie was. Die komitee sal die maatskappy se ouditeure of ander onafhanklike adviseur wat vir die JSE aanvaarbaar is aanstel om tydens die finalisering van sodanige aanpassings aan die JSE te bevestig dat sodanige aanpassings in ooreenstemming met die bepalings van die SAR-skema is.

Die uitreiking van aandele as teenprestasie vir ’n verkryging, die uitreiking van aandele vir kontant en die uitreiking van aandele of ’n plasing van aandele aan ’n verkoper as teenprestasie sal nie beskou word as ’n omstandigheid wat aanpassings verg nie. Ingevolge die gewysigde Skedule 14 hoef die bogemelde wysigings nie deur die aandeelhouers van die maatskappy goedgekeur te word nie, maar aandeelhouer moet daaroor ingelig word.

Die gewysigde SAR-skemadokument is vir insae deur aandeelhouers van die maatskappy beskikbaar by die maatskappy se hoofplek van besigheid en by die adres van die maatskappy se oordragsekretaris in Johannesburg vanaf die datum van hierdie kennisgewing tot die datum van die algemene jaarvergadering.

11.

MAGTIGING VIR DIE TERUGKOOP VAN AANDELE

Spesiale Besluit Nommer 1

Besluit dat die direksie van die maatskappy hiermee gemagtig word, by wyse van ’n hernieubare algemene magtiging, om die koop van sy eie aandele deur die maatskappy, of om die koop van gewone aandele in die maatskappy deur enige filiaal van die maatskappy, goed te keur, met dien verstande dat:

hierdie algemene magtiging geldig sal wees tot en met die volgende algemene jaarvergadering van die maatskappy of vir
15 maande vanaf die datum van hierdie besluit, welke tydperk ook al die kortste is;
die gewone aandele deur die bestelboek van die JSE verhandelingsisteem gekoop word sonder enige voorafgaande verstandhouding of ooreenkoms tussen die maatskappy en/of die betrokke filiaal en die teenparty, met dien verstande dat indien die maatskappy ingevolge hierdie algemene magtiging sy eie aandele van enige volfiliaal van die maatskappy koop, vir die doel om sodanige tesourie-aandele te kanselleer, die bogemelde bepalings nie van toepassing sal wees op sodanige kooptransaksie nie;
die maatskappy ooreenkomstig paragraaf 11.27 van die noteringsvereistes ’n aankondiging publiseer (i) wanneer die maatskappy en/of sy filiale kumulatief 3% van die gewone uitgereikte aandele soos op die datum wat die algemene magtiging verleen is (“die aanvanklike getal”) teruggekoop het, en (ii) vir elke 3% in totaal van die aanvanklike getal gewone aandele wat daarna deur die maatskappy en/of sy filiale teruggekoop word;
die terugkoop deur die maatskappy van sy eie gewone aandele in enige enkele finansiële jaar in totaal nie 20% van die maatskappy se uitgereikte aandele van daardie klas mag oorskry nie, met die voorbehoud dat die verkryging van gewone aandele deur ’n filiaal van die maatskappy as tesourie-aandele nie 10% van die totale getal uitgereikte gewone aandele van die maatskappy mag oorskry nie;
terugkope nie gedoen mag word teen ’n prys wat meer as 10% bo die geweegde gemiddelde markwaarde van die gewone aandele vir die vyf besigheidsdae onmiddellik voor die datum waarop die transaksie uitgevoer word, is nie;
die maatskappy te eniger tyd net een verteenwoordiger mag aanwys om namens die maatskappy, of namens ’n filiaal van die maatskappy, die terugkoop van gewone aandele uit te voer;
die maatskappy na die terugkoop steeds aan die bepalings van die noteringsvereistes insake aandeelhouerverspreiding sal voldoen;
onderhewig aan die uitsonderings vervat in die noteringsvereistes, die maatskappy en die groep nie gedurende ’n verbode tydperk (soos gedefinieer in die noteringsvereistes) gewone aandele sal terugkoop nie, tensy hulle ’n terugkoopprogram in plek het ingevolge waarvan die datums en aantal aandele waarmee gehandel word tydens die betrokke tydperk vas is (nie onderhewig is aan enige verandering nie) en volle besonderhede van die program in ’n kennisgewing oor SENS openbaar gemaak is voor die aanvang van die verbode tydperk; en
sodanige terugkope onderhewig sal wees aan die bepalings van die Maatskappywet (Nr. 61 van 1973), soos gewysig (“Maatskappywet”), die statute van die maatskappy en die noteringsvereistes.

Dit is die voorneme van die direksie om hierdie algemene magtiging te gebruik indien heersende omstandighede (insluitende die belastingbedeling en marktoestande) dit na hulle mening regverdig.

Die direkteure van die maatskappy onderneem dat hulle nie enige sodanige terugkoop sal implementeer terwyl hierdie algemene magtiging geldig is nie, tensy:

die maatskappy en die groep in staat sal wees om, in die gewone loop van besigheid, hul skulde vir ’n tydperk van 12 maande na die datum van die algemene terugkoop, te betaal;
die bates van die maatskappy en die groep hul laste vir ’n tydperk van 12 maande na die datum van die algemene terugkoop sal oorskry. Vir hierdie doel sal die bates en die laste erken en waardeer word in ooreenstemming met die rekeningkundige beleid wat toegepas is in die voorbereiding van die maatskappy se mees onlangse geouditeerde finansiële jaarstate;
die maatskappy en die groep voldoende aandelekapitaal en reserwes vir gewone besigheidsdoeleindes sal hê vir ’n tydperk van 12 maande na die datum van die algemene terugkoop;
die bedryfskapitaal van die maatskappy en die groep voldoende sal wees vir gewone besigheidsdoeleindes vir ’n tydperk van
12 maande na die datum van die algemene terugkoop; en
die maatskappy se borg, voor enige terugkoop van aandele in die mark, skriftelik aan die JSE bevestig het dat die maatskappy voldoende bedryfskapitaal vir doeleindes van ’n terugkoop van aandele het.

Rede vir en die effek van Spesiale Besluit Nommer 1

Die rede vir en die effek van Spesiale Besluit Nommer 1 is om aan die direkteure van die maatskappy ’n algemene magtiging te verleen om die koop van sy eie gewone aandele goed te keur en om ’n filiaal van die maatskappy toe te laat om gewone aandele in die maatskappy te koop.

Vir doeleindes van die oorweging van Spesiale Besluit Nommer 1, en ter voldoening aan paragraaf 11.26 van die noteringsvereistes, is die inligting hieronder aangedui in die jaarverslag, waarin hierdie kennisgewing van die algemene jaarvergadering vervat is, ingesluit op die plekke soos aangedui:

Direkteure en bestuur;
Wesentlike aandeelhouers;
Geen wesentlike veranderinge;
Direkteure se belange in sekuriteite;
Aandelekapitaal van die maatskappy (hier and hier);
Die direkteure wie se name hier vermeld word, aanvaar gesamentlik en afsonderlik volle verantwoordelikheid vir die korrektheid van die inligting vervat in hierdie Spesiale Besluit Nommer 1 en sertifiseer dat, na die beste van hulle kennis en wete, daar geen ander feite nagelaat is wat enige verklaring vals of misleidend mag maak nie, en dat hulle alle redelike navrae in hierdie verband gedoen het en dat hierdie besluit alle inligting wat regtens en deur die noteringsvereistes vereis word, vervat;
Daar is geen regs- of arbitrasieverrigtinge (insluitende enige verrigtinge wat hangend of dreigend is waarvan die maatskappy bewus is) wat ’n wesentlike effek mag hê of gehad het ten opsigte van die maatskappy en die groep se finansiële posisie oor die laaste 12-maandetydperk nie.

12.

MAGTIGING VIR SLUITING VAN AFGELEIDE TRANSAKSIES

Spesiale Besluit Nommer 2

Besluit dat, onderhewig aan die aanvaarding van Spesiale Besluit Nommer 1, die direksie van die maatskappy hiermee gemagtig word, by wyse van ’n hernieubare algemene magtiging, om afgeleide transaksies aan te gaan wat daartoe mag of sal lei dat die maatskappy sy eie aandele koop, onderhewig aan die bepalings van die Maatskappywet en die beperkinge vervat in paragraaf 5.84(a) van die noteringsvereistes.

Rede vir en die effek van Spesiale Besluit Nommer 2

Die rede vir en die effek van Spesiale Besluit Nommer 2 is om aan die direkteure van die maatskappy ’n algemene magtiging te verleen om, onderhewig aan die bepalings van die Maatskappywet en die noteringsvereistes, afgeleide transaksies aan te gaan wat daartoe mag of sal lei dat die maatskappy sy eie aandele koop.

En om enige ander besigheid te verrig wat op ’n algemene jaarvergadering verrig mag word.

Lede wat nog nie hul aandele gedematerialiseer het nie, of wat hul aandele gedematerialiseer het en dit in hul “eie naam” geregistreer het, is geregtig om die vergadering by te woon, te stem en het die reg om ’n gevolmagtigde of gevolmagtigdes te benoem (vir welke doeleindes ’n volmagvorm hierby aangeheg word) om die vergadering namens hulle by te woon, daarop te praat en te stem. So ’n gevolmagtigde hoef nie ’n lid van die maatskappy te wees nie. Volmagvorms moet ingelewer word by die maatskappy se oordragsekretaris, Computershare Investor Services (Edms) Beperk, Marshallstraat 70, Johannesburg, 2001, Suid-Afrika, of kan gepos word aan die oordragsekretaris by Posbus 61051, Marshalltown, 2107, Suid-Afrika, om hulle te bereik nie later as Donderdag, 13 Augustus 2009, om 10:00 (Suid-Afrikaanse tyd) nie.

Volmagvorms moet slegs deur lede voltooi word wat nie hul aandele gedematerialiseer het nie of wat hul aandele gedematerialiseer het en dit in hul “eie naam” geregistreer het.

Elke lid van die maatskappy wat self teenwoordig is of deur ’n gevolmagtigde verteenwoordig word, sal slegs een stem hê in die geval waar stemming plaasvind by wyse van ’n opsteek van hande. By stemming per stembrief is elke lid geregtig op sodanige aantal stemme van die totale stemme in die maatskappy as wat die verhouding is waarin die totale bedrag van die nominale waarde van die aandele deur so ’n lid gehou in die maatskappy staan tot die totale bedrag van die nominale waarde van al die uitgereikte aandele van die maatskappy.

Lede wat hulle aandele gedematerialiseer het en nie in “eie naam” geregistreer is as lede van die maatskappy nie, moet hulle sentralesekuriteitebewaarplek-deelnemer (“CSDP”) of makelaar kontak op die wyse en binne die tyd bepaal in hulle ooreenkoms, om:

hulle CSDP of makelaar van hul stemopdragte te voorsien; of
die nodige toestemming te verkry, sou hulle die vergadering self wou bywoon.

Ekwiteitsekuriteite wat deur ’n aandeletrust of -skema gehou word se stemme sal nie in berekening gebring word vir die doeleindes van besluite aangeneem ingevolge die noteringsvereistes nie.

In opdrag van die raad van direkteure.

M Lubbe
Sekretaris

Stellenbosch
22 Junie 2009